Wednesday, September 21, 2011

Gənclər Üzeyir Hacıbəyovu andı || FOTO

Sentyabrın 18-də Azərbaycan akademik musiqisinin banisi, bəstəkar, ictimai xadim Üzeyir Hacıbəyovun 126 illiyi idi. "Azad Gənclik" Təşkilatının üzvləri dahi bəstəkarın 126 illiyi münasibəti ilə Azərbaycan Musiqi Akademiyasının qarşısında   Üzeyir bəyiin  heykəlinə gül qoymaqla onu yad ediblər.

Xatırladaq ki, Azərbaycanın dahi bəstəkarı Üzeyir Hacıbəyov 18 sentyabr 1885-ci ildə Şuşada anadan olub. 1899-1904-cü illərdə Zaqafqaziya müəllimlər seminariyasında təhsil alıb. 1907-ci ildə, 22 yaşında “Leyli və Məcnun” operası üzərində işləyib və beləliklə bəstəkarlıq fəaliyyətinə başlayıb.

Bəstəkarın bədii irsindən “Sənsiz”, “Sevgili canan” romansları, “Koroğlu” operası, “O olmasın, bu olsun”, “Arşın mal alan”, “Əsli və Kərəm” və s. musiqili komediyaları incəsənət tarixində unudulmayan əsərlər olaraq qalacaq.